কপিল দেৱক কিয় মঞ্চত শ্ৰদ্ধাঞ্জলি জনালে জুবিনে? বঙাইগাঁৱত জুবিনৰ অনুষ্ঠানত সুৰাপায়ীয়ে এফালৰ পৰা ভাঙিলে প্লাষ্টিকৰ চকী।

প্ৰাক্তন ক্ৰিকেটাৰ কপিল দেৱক মৃত ঘোষণা জুবিন গাৰ্গৰ ৷ বঙাইগাঁৱত অনুষ্ঠিত সাংস্কৃতিক সন্ধিয়াৰ মাজতে কপিল দেৱক মৃত বুলি ঘোষণা কৰি শ্ৰদ্ধাঞ্জলি জ্ঞাপন কৰে নৱ প্ৰজন্মৰ হাৰ্ট থ্ৰৱ জুবিন গাৰ্গে ৷ প্ৰাক্তন ক্ৰিকেটাৰজনৰ মৃত্যুৰ উৰা বাতৰি প্ৰচাৰ হোৱাৰ সময়তে সাংস্কৃতিক সন্ধিয়াৰ মঞ্চত জুবিনে মৃত ঘোষণা কৰি শ্ৰদ্ধাঞ্জলি জ্ঞাপন কৰে ৷

নিজৰ সংগীতানুষ্ঠানৰ মাজতে হঠাতে জুবিনে মঞ্চৰ পৰা কৰা এই ঘোষণাই স্তম্ভিত কৰি তোলে হাজাৰ হাজাৰ দৰ্শকক  ৷ নৱ প্ৰজন্মৰ হাৰ্ট থ্ৰৱ জুবিন গাৰ্গে প্ৰাক্তন ক্ৰিকেটাৰজনক শ্ৰদ্ধা জ্ঞাপন কৰি পুনৰ আৰম্ভ কৰিলে নিজৰ সংগীতানুষ্ঠান ৷ প্ৰাক্তন ক্ৰিকেটাৰজনৰ মৃত্যুক লৈ উৰা বাতৰি জুবিন গাৰ্গে ক’ত পালে তাক লৈ ৰহস্যৰ সৃষ্টি হৈছে ৷

ইফালে বঙাইগাঁৱত আয়োজিত এই সাংস্কৃতিক সন্ধিয়া শেষ হোৱাৰ পিছত একাংশ উদণ্ড যুৱকে তাণ্ডৱ সৃষ্টি কৰে ৷ একাংশ দৰ্শকে বহু চকী ভাঙি উত্তপ্ত পৰিস্থিতিৰ সৃষ্টি কৰে ৷  চৰকাৰৰ নীতি-নিৰ্দেশনাক সম্পূৰ্ণ সন্মান জনাই বিহু সন্মিলনীৰ অনুৰোধ মতে  ৮:৩৫ বজাত মঞ্চত প্ৰৱেশ কৰি ১১ বজাত অনুষ্ঠান সামৰে শিল্পীগৰাকীয়ে ৷ এটাৰ পিছত এটা জনপ্ৰিয় গীতেৰে দৰ্শকক মোহাচ্ছন্ন কৰি ৰাখে শিল্পীগৰাকীয়ে ৷ দুবাৰকৈ শব্দযন্ত্ৰৰ যান্ত্ৰিক বিজুতিও জুবিনৰ সংগীতানুষ্ঠানক যতি পেলাব নোৱাৰিলে ৷



প্ৰায় ১৫  হাজাৰৰো অধিক দৰ্শকে জুবিনৰ সংগীতানুষ্ঠান উপভোগ কৰে ৷ অনুষ্ঠান শেষ হোৱালৈ সকলোখিনি ঠিকেই আছিল ৷ কিন্তু অনুষ্ঠান শেষ হোৱাৰ পিছতে একাংশ উদণ্ড দৰ্শকে বিহুতলীত চলায় তাণ্ডৱ ৷ কোনো কাৰণ নোহোৱাকৈ এফালৰ পৰা ভাঙিবলৈ আৰম্ভ কৰে প্লাষ্টিকৰ চকী । সুৰাৰ ৰাগীত মাতাল হৈ এইদৰে এফালৰ পৰা চকী ভাঙিবলৈ ধৰা উদণ্ড দৰ্শকৰ কাৰ্যকলাপ বন্দী হ’ল নিউজ ১৮ ৰ কেমেৰাত ৷  অতি শান্তি শৃংখলাৱদ্ধভাৱে চলি থকা সাংস্কৃতিক অনুষ্ঠান এখনত এইদৰে একাংশ উদণ্ড যুৱকে কোনো কাৰণ নোহোৱাকৈ তাণ্ডৱ চলোৱাৰ ঘটনাই সকলোকে চিন্তিত কৰি তুলিছে ৷