Gauhati University Exam: পৰীক্ষা পিছুৱালে গুৱাহাটী বিশ্ববিদ্যালয়ৰ। ১০ দিনলৈ পিছুৱালে স্নাতকোত্তৰ প্ৰথম ষান্মাসিকৰ পৰীক্ষা।

অৱশেষত ছাত্ৰ-ছাত্ৰীৰ প্ৰতিবাদত সেও মানি গুৱাহাটী বিশ্ববিদ্যালয় কৰ্তৃপক্ষ‌ই  ১০ দিনলৈ পিছুৱালে স্নাতকোত্তৰ প্ৰথম ষান্মাসিকৰ পৰীক্ষা।

স্নাতকোত্তৰ ছাত্ৰ সন্থাৰ সৈতে হোৱা দীঘলীয়া আলোচনাৰ পাছতেই এই ঘোষণা বিশ্ববিদ্যালয় কৰ্তৃপক্ষৰ।

অহা ২৯ এপ্ৰিলৰ পৰা হ'ব স্নাতকোত্তৰ প্ৰথম ষান্মাসিকৰ তাত্বিক(Theory) পৰীক্ষাসমূহ।

উল্লেখ্য যে, পৰীক্ষা পিছুৱাবলৈ বিশ্ববিদ্যালয়খনত কেইবাদিন ধৰি ছাত্ৰ-ছাত্ৰীসকলে অব্যাহত ৰাখিছিল প্ৰতিবাদী কাৰ্যসূচী।

বিশ্ববিদ্যালয়ৰ অন্তৰ্গত মহানগৰীৰ কলেজসমূহৰ ছাত্ৰ-ছাত্ৰীৰ উদ্যোগত তথা বিশ্ববিদ্যালয়ৰ ছাত্ৰসমাজৰ উদ্যোগত চলি আছিল প্ৰতিবাদ।

সোমবাৰে ছাত্ৰ-ছাত্ৰীসকলে বিশ্ববিদ্যালয়ৰ প্ৰশাসনিক ভৱনৰ সন্মুখত ধৰ্ণাতো বহিছিল।