» জীৱন শৈলী

অভিনেত্ৰী প্ৰিয়ংকা চোপ্ৰা (Priyanka Chopra)ই আজি ইনষ্টাগ্ৰামত শ্বেয়াৰ কৰিছিল স্বামী নিক জোনাছ (Nick Jonas)ৰ সৈতে অন্তৰংগ মুহূৰ্তৰ ফটো। ছচিয়েল মিডিয়াত লগে লগে ভাইৰেল হৈ পৰিছিল ফটোখন। বহুদিন মূৰত প্ৰিয়ংকা চোপ্ৰা আমেৰিকাৰ ঘৰলৈ গৈছে। প্ৰিয়ংকা বিগত কেইদিন ৱেব ছিৰিজ চিটাডেলৰ ছুটিঙৰ বাবে লণ্ডনত ব্যস্ত আছিল। ঘৰলৈ গৈয়েই নিজৰ সংসাৰ আৰু আপোন মানুহজনৰ সৈতে একাত্ম হৈ পৰে প্ৰিয়ংকা। তেতিয়াই তোলা এই ফটোখন শ্বেয়াৰৰ পিছতে ছচিয়েল মিডিয়াত যেন ধুমহাৰ সৃষ্টি হয়। ইমানেই নহয় প্ৰিয়ংকাৰ ভনীয়েক অভিনেত্ৰী পৰিণীতি চোপ্ৰা (Parineeti Chopra)ই আঙুলিয়াই দিব লগীয়া হয় প্ৰিয়ংকাক। পৰিণীতিয়ে প্ৰিয়ংকাক সোঁৱৰাই দিলে যে ইনষ্টাগ্ৰামত তেওঁলোকৰ পৰিয়ালো আছে!

View this post on Instagram

A post shared by Priyanka Chopra Jonas (@priyankachopra)

পৰিণীতিয়ে প্ৰিয়ংকাৰ পোষ্টত লিখিছে, “ভীনদেউ! মিমি বাইদেউ! এইবোৰ কি হৈ আছে ইয়াত আমাৰ পৰিয়ালো আছে (এটা চকু মুদা ইমোজিৰ ছবি) চকু মুদিহে লাইক বুটনত টিপা মৰাৰ চেষ্টা কৰিছোঁ।"

পৰিণীতিয়ে দ্বিতীয়বাৰ লিখিছে, "এক্সকিউজ মি, আচলতে কি হৈ আছে ইয়াত! (দুটা চকু মুদা ইমোজিৰ ছবি) চকু মুদিহে লাইক বুটনত টিপা মৰাৰ চেষ্টা কৰিছোঁ।"



প্ৰিয়ংকাৰ পোষ্টত পৰিণীতিৰ এই প্ৰতিক্ৰিয়াই নেটিজনক বেছ আমোদৰ খোৰাক দিছে।

উল্লেখ্য যে প্ৰিয়ংকা চোপ্ৰা বৰ্তমান চিটাডেল (Citadel)ৰ ছুটিঙৰ  ব্যস্ততাৰ লগতে নতুন প্ৰজেক্ট আছে টেক্সট ফৰ ইউ (Text For You) আৰু মেট্ৰিক্স-৪ (Matrix-4)ৰ দৰে ছবি।