» জীৱন শৈলী

সাধাৰণতে আমি গ্ৰহণ কৰা খাদ্য হজম (Digestion) হোৱাত সমস্যাৰ সৃষ্টি হয়। আমাৰ পাচনতন্ত্ৰই আমি খোৱা খাদ্যৰ পৰা প্ৰয়োজনীয় তত্ব সমূহ আহৰণ কৰাত সহায় কৰে। গতিকে পাচন প্ৰক্ৰিয়া (Digestive System)টোক অৱহেলা কৰিলে,পৰ্যাপ্ত আহাৰ খালেও তাৰ সুফল নাপাওঁ।

পাচনতন্ত্ৰ বা পাচন প্ৰক্ৰিয়া (Digestive System) শক্তিশালী কৰিবলৈ কিছু ক্ষেত্ৰত জীৱন শৈলী সলনি কৰিব লাগিব। এনে কৰিবলৈ যাওঁতে তলত দিয়া ধৰণে কাৰ্য্য কৰিব লাগিব।

আঁহযুক্ত আহাৰ সেৱন:

আমি খাদ্যত যিমানে আঁহযুক্ত আহাৰ সেৱন কৰিম, সিমানে আমাৰ পাচন প্ৰক্ৰিয়া (Digestive System) শক্তিশালী হ'ব। এনে খাদ্যৰ ভিতৰত শস্য, শাক-পাচলি, ফল আদি উল্লেখযোগ্য।

চৰ্বীযুক্ত আহাৰৰ পৰিমাণ  সীমিত কৰা : 

খাদ্যাভ্যাসত যদি চৰ্বীযুক্ত আহাৰৰ পৰিমাণ বেছি হয় তেন্তে ই আমাৰ পাচন প্ৰক্ৰিয়া দূৰ্বল কৰি তোলে। অধিক চৰ্বিযুক্ত আহাৰ গ্ৰহণ কৰিলে শৌচ খোলোচা নহয়, ফলত পেটৰ নানানটা সমস্যাত ভূগিব লগীয়া হয়। গতিকে আঁহযুক্ত আহাৰৰ লগত চৰ্বিযুক্ত আহাৰৰ সামঞ্জস্য ৰাখিহে আহাৰ গ্ৰহণ কৰিব লাগে।

কম চৰ্বীযুক্ত মাংস গ্ৰহণ কৰক:

যিমানদূৰ সম্ভৱ কম চৰ্বীযুক্ত আহাৰ গ্ৰহণ কৰিব লাগে। প্ৰ'টিন এবিধ হেল্ডী ডায়েট, কিন্তু আপুনি সদায়ে লক্ষ্য ৰাখিব যে আপুনি গ্ৰহণ কৰা মাংস যাতে স্কিনলেছ হয়।

খাদ্যত প্ৰ'বায়'টিক আৰু প্ৰিবায়'টিক সেৱন:

খাদ্যত প্ৰ'বায়টিক আৰু প্ৰিবায়'টিক থকাটো বিশেষভাৱে প্ৰয়োজন। এনে খাদ্যত বেক্টেৰিয়া আৰু ইষ্ট থাকে যি পাচনতন্ত্ৰৰ বাবে বিশেষ প্ৰয়োজন। প্ৰ'বায়টিকচে পোষক তত্বৰ অৱশোষণ বঢ়োৱাৰ লগতে লেক্ট'জসমূহ ভঙাত সহায় কৰে, যাৰ ফলত ইমিউনিটি চিষ্টেম শক্তিশালী কৰে।

নিয়মিত সময়ত আহাৰ গ্ৰহণ কৰিব লাগে :

খাদ্য গ্ৰহণৰ এটা নিৰ্দিষ্ট সময় থাকিব লাগে আৰু সদায় একে সময়তে খাদ্য গ্ৰহণ কৰিব লাগে। পুৱাৰ জলপান গ্ৰহণ কৰাটো বিশেষ প্ৰয়োজন।

পৰ্যাপ্ত পানী সেৱন কৰিব লাগে :

পৰ্যাপ্ত পানী সেৱনে শৰীৰত থকা ফাইবাৰ সমূহ কোমল কৰাত সহায় কৰে আৰু শৌচ খোলোচা কৰাত সহায় কৰে ।পানী সেৱনে পাচন প্ৰক্ৰিয়াও সহজ কৰি তোলে।

নিয়মিত ব্যায়াম :

নিয়মিতভাৱে ব্যায়াম কৰিলে পাচনতন্ত্ৰই অধিক সক্ৰিয়তাৰে কাম কৰিবলৈ ধৰে। এনে কৰাৰ ফলত স্নায়ুতন্ত্ৰ শক্তিশালী হয়। নিয়মিত ব্যায়াম কৰাৰ ফলত আপোনাৰ ওজনো সঠিক জোখত ৰাখিব পৰা যায়।

(Disclaimer : এই প্ৰবন্ধটো লিখা তথ্যবোৰ সাধাৰণ তথ্যৰ ওপৰত আধৰিত। NEWS18 অসম নৰ্থইষ্ট ইয়াৰ বাবে দায়বদ্ধ নহয়। ইয়াক ব্যৱহাৰ কৰাৰ আগতে সংশ্লিষ্ট বিশেষজ্ঞৰ সৈতে পৰামৰ্শ কৰি ল'ব।)