Change Language
Download App
এইবাৰ বিত্তীয় খেলিমেলিৰ ঘটনাত নাম সাঙোৰ খাইছে বলীউদৰ অভিনেত্ৰী জেকলিন ফাৰ্ণাণ্ডেজ। এনফ’ৰ্চমেণ্ট ডিৰেক্টৰেটৰ জেৰাৰ সন্মুখীন হ’ল বলীউদৰ অভিনেত্ৰী জেকলিন ফাৰ্ণাণ্ডেজ।
বিত্তীয় খেলিমেলিৰ অভিযোগত সোধা–পোছা কৰিছে ইডিয়ে, এএনআইৰ সূত্ৰত প্ৰকাশ এই খবৰ। জনা গৈছে, দিল্লীত জেৰা চলিছে অভিনেত্ৰীগৰাকীৰ। ৫ ঘণ্টা ধৰি মাৰাথন জেৰাৰ জন্মুখীন হ’ল জেকলিন।
জেকলিনৰ পিতৃ শ্ৰীলংকাৰ আৰু মাতৃ মালয়েছিয়াৰ। জেকলিনৰ পিতৃ এজন সংগীতশিল্পী আৰু মাতৃ এয়াৰ হোষ্টেজ আছিল। জেকলিন ৪ ভাতৃ–ভগ্নীৰ মাজত সৰু। জেকলিনৰ এগৰাকী ডাঙৰ ভগ্নী আৰু দুই ভাতৃ আছে।
জেকলিন ফাৰ্ণাণ্ডেজে ২০০৬ চনত মিছ শ্ৰীলংকা ইউনিভাৰ্ছ নিৰ্বাচিত হৈছিল। ইয়াৰ পিছত ২০০৯ চনত এক মডেলিং এছাইনমেণ্টত ভাৰতলৈ আহে আৰু ‘আলাদিন’ ছবিৰ বাবে অডিচন দিয়ে আৰু নিৰ্বাচিত হয়। জেকলিনৰ অভিষেক হয় এই ছবিৰ জৰিয়তে।
জেকলিনে ‘আলাদিন’ৰ যোগেদি আত্মপ্ৰকাশ কৰিছিল, কিন্তু ‘মাৰ্ডাৰ ২’ৰ পৰা স্বীকৃতি লাভ কৰিছিল। ইয়াৰ পিছতে পিছলৈ ঘূৰি চাবলগীয়া হোৱা নাই।
‘হাউছফুল ২’, ‘ৰেচ ৩’, ‘কিক’ৰ দৰে ছবিত দুৰ্দান্ত অভিনয় কৰিছে জেকলিনে। জেকলিনৰ আগন্তুক ছবি ‘ভূত পুলিচ’। য’ত ছইফ আলী খানক দেখা যাব অৰ্জুন কাপুৰ আৰু য়ামী গৌতমৰ সৈতে।
