Change Language
Download App
শ্বাহৰুখ খানৰ অনুৰাগীসকলৰ বাবে দীৰ্ঘদিনৰ পিছত এক ভাল খবৰ। বলীউদৰ সূত্ৰ মতে, দক্ষিণৰ পৰিচালক এটলি কুমাৰৰ নতুন ছবিত ছেপ্টেম্বৰৰ পৰা শ্বুটিং কৰিব বলীউদৰ বাদশ্বাহে।
এইবাৰ ৰোমাণ্টিক হিৰ’ই নহয়, থাকিব ডাঙৰ টুইষ্ট। ভাৰতীয় গুপ্তচৰ সংস্থাৰ এজন বিষয়াৰ চৰিত্ৰত দেখা যাব শ্বাহৰুখক।
ছবিৰ শ্বুটিং আৰম্ভ হ’ব ছেপ্টেম্বৰৰ পৰা। বৰ্তমান ১০টা দিনৰ তাৰিখ ঠিক কৰা হৈছে। পিছলৈ বাকী সূচী তৈয়াৰ কৰা হ’ব।
ছবিখনত শ্বাহৰুখৰ বিপৰীতে আছে দক্ষিণৰ জনপ্ৰিয় নায়িকা নয়নতৰা। ইয়াৰ উপৰি গুৰুত্বপূৰ্ণ ভূমিকাত দেখা যাব সুনীল গ্ৰোভাৰ আৰু ছানিয়া মালহোত্ৰাক।
ইয়াৰ মাজতে শ্বাহৰুখৰ ছবি ‘পাঠান’ৰ শ্বুটিং প্ৰায় শেষ হোৱাৰ পথত। কিন্তু অক্টোবৰৰ আৰম্ভণিৰ ফালে স্পেইনলৈ যাব শ্বাহৰুখ–দীপিকা। সম্প্ৰতি, ইউৰোপৰ পৰা এই ছবিৰ একাংশ শ্বুটিং কৰি উভতি আহিছে তেওঁলোক।
